Evlərin bahalaşması ilə bağlı əhaliyə xəbərdarlıq


Loading...
Hesaba Giriş Qeydiyyat

Sorğu Mərkəzi / (055) 7000 400

Evlərin bahalaşması ilə bağlı əhaliyə xəbərdarlıq

Ana Səhifə Xəbərlər və Anonslar Evlərin bahalaşması ilə bağlı əhaliyə xəbərdarlıq
Sevdikləriniz ilə Paylaşın

Evlərin bahalaşması ilə bağlı əhaliyə xəbərdarlıq

Xəbər verdiyimiz kimi dekabr ayının 25-dən etibarən Norm və Holcim markalarına aid sementlər 5-6% civarında bahalaşıb. AF Euro Home tikitinti materialları bazarından Fins.az-a bildirilib ki, 300 marka Norm və Holcim sementləri 5 manatdan 5.3 manata, 400 marka sementlərin qiyməti isə 6 manatdan 6.30 manata qədər bahalaşıb. Bununla belə, zavod qiymət artımının səbəbini açıqlamayıb.

Bazardan bildirilib ki, sementin qiyməti artsa da digər tikinti materiallarının qiymətində artım müşahidə edilmir. Hətta bəzi tikinti materialları nisbətən ucuzlaşıb.

 

Bəzi media orqanlarının yaydığı məlumatlarda isə bildirilir ki, sementin bu həcmdə bahalaşması ilə yeni tikilən mənzillərin qiyməti kvadratmetr üzrə 30-50 manat arta bilər. Bəs ümumiyyətlə sementin bu həcmdə bahalaşması yeni evlərin qiymətinə təsir edə bilərmi?

Daşınmaz əmlak bazarı üzrə ekspert Rəşad Əliyev Fins.az-a bildirib ki, yeni evlərin hər kvadratmetr üzrə qiymətinin 30 manat artması üçün bütün tikinti materiallarının qiymətləri 20% bahalaşmalıdır. Bu zaman maya dəyərinə ciddi təsir ola bilər. Tikinti materialları bazarında isə bu ay belə bir artım müşahidə edilmir. Ekspert hesab edir ki, tikinti materiallarının qiymətinin artması şirkətlərdə hazırki rentabelliyin azalmasına xidmət edə bilər. Bu zaman hansısa tikinti şirkətləri rentabelliyin azalmasının qarşısını almaq üçün qiymətləri artıra bilər. Amma ümumilikdə 30-50 manatlıq artım inandırıcı görsənmir: " Çünki tikinti materillarının maya dəyərində çəkisi 50-60% civarındadır. Digər hissə əmək haqqı ilə bağlıdır. Ona görə də, bu səviyyə artım görmürük".

İndi pulsuz elan yerləşdirin, tez bir zamanda alıcı tapın.

Elan Yerləşdir!

Elanlarımız Və Xidmətlərimiz Haqqında Daha Ətraflı Məlumat Almaq Üçün, Zəng Vurun! (055) 7000 400

Copyright © 2018. Bütün hüquqlar qorunur.